სტუმრად მუზეუმში

17 აპრილს ქ.ქუთაისის აკ.წერეთლის სახელობის სახელმწიფო უნივერსიტეტს ესტუმრნენ ქუთაისის მე-17 საჯარო სკოლის მე-9 და მე-10 კლასის მოსწავლეები ბიოლოგიის პედაგოგებთან (მანანა ქაშაკაშვილი, ნატო კუპრავა) ერთად. მოსწავლეებმა დაათვალიერეს და გაეცვნენ მუზეუმში არსებულ ექსპონანტებს, სადაც მეგზურობა გაუწიათ ბიოლოგიის აკადემიურმა დოქტორმა, ქალბატონმა თამარ ჭეიშვილმა. შემდეგ მოსწავლეებმა გადაინაცვლეს უნივერსიტეტის საკონფერენციო დარბაზში, სადაც წარადგინეს პრეზენტაციები თემებზე: მიკროორგანიზმები ჩვენ გარშემო და გენეტიკური დაავადებები. კონფერენციას ესწრებოდნენ ზუსტ და საბუნებისმეტყველო მეცნიერებათა ფაკულტეტის (დეკანი ნანა ჯულაყიძე) ბიოლოგიის დეპარტამენტის ასოცირებული პროფესორები: ქ.ჩიქვინიძე, ნ.მარგველაშვილი, ხ.კუპრაშვილი, მ.გაბელაშვილი და ფაკულტეტის სტუდენტები. კონფერენციამ ნაყოფიერად და საინტერესოდ ჩაიარა. ლექტორ-მასწავლებელმა შეაფასეს პრეზენტატორები და მისცეს რჩევები შემდგომი თანამშრომლობისათვის.