Teens In AI 2024

2024 წლის 11 თებერვლიდან -17 მარტის ჩათვლით ქ.ქუთაისის N17 საჯარო სკოლის მე- 7³კლასის მოსწავლეები( დამრიგებელი ნ.ბუხაიძე) ჩაერთნენ ალტე უნივერსიტეტის საინფორმაციო ტექნოლოგიების სკოლის მიერ ორგანიზებულ პროექტში- Teens In AI 2024.

Teens In AI-მ 2018 წლიდან მსოფლიოს 45 ქვეყნის 12 000 თინეიჯერი გააერთიანა, რათა AI-ს დახმარებით კონკრეტული პრობლემების გადაჭრის გზები ეპოვათ. პროექტი მიზნად ისახავს მოსწავლეებში ხელოვნური ინტელექტის პოპულარიზაციასა და ცნობიერების ამაღლებას. ორ გუნდად დაკომპლექტებულ მოსწავლეთა გუნდებს მენტორობას უწევდნენ ინგლისური ენის პედაგოგები ელეონორა ბრეგვაძე და სალომე ჭიჭინაძე.

პროექტის ორი ეტაპისგან შედგებოდა:

11 – 19 თებერვალი – მომზადების კვირა;

15 – 17 მარტი – Techathon-ის კვირა.

Teens in AI-ის განმავლობაში, გუნდებმა შეიმუშავეს და განახორციელეს პროექტები, რომელიც ეხებოდა გაეროს მდგრადი განვითარების მიზნებიდან ერთ-ერთ მიზანს და ტექნოლოგიების, ხელოვნური ინტელექტის საშუალებით გადაჭრეს ამ მიზნის გარშემო არსებული პრობლემა.

პრეზენტაცია მიმდინარეობდა ინგლისურ ენაზე.

პროექტის დასასრულს მოსწავლეები და მასწავლებლები დაჯილდოვდნენ სერტიფიკატებით.