„ბუნებრივი რესურსების მდგრადი წარმოება და მოხმარება“
სსიპ ქალაქ ქუთაისის N17 საჯარო სკოლაში სამოქალაქო განათლების მასწავლებელმა მერი ბრეგაძემ – თვითმმართველობასთან , სამოქალაქო კლუბთან და დირექციასთან თანამშრომლობით განახორციელა პროექტი „ბუნებრივი რესურსების მდგრადი წარმოება და მოხმარება“ . პროექტის მიზანი იყო : 1. გლობალური მოქალაქეობის ცნების გააზრება 1. ნარჩენების შეგროვება, დახარისხება და რეციკლირება 2. ბუნებრივი გარემო პირობების შენარჩუნება და დაცვა. (მოზარდმა უნდა იცოდეს რა ბუნებრივ გარემოში ცხოვრობს , რა ზიანი შეიძლება მიაყენოს გარემოს ადამიანის ამა თუ იმ მოქმედებამ , როგორ შეინარჩუნოს და დაიცვას ბუნებრივი გარემო) 3. ტექნოლოგიური და ინტელექტუალური მიღწევების გონივრულად გამოყენება პროექტის ფარგლებში ჩატარდა საინფორმაციო შეხვედრები კლასებში , მოეწყო ფილმის ჩვენება და დისკუსია , ბავშვთა დაცვის მსოფლიო დღესთან დაკავშირებით გადავიღეთ ვიდეორგოლები ქართულ, ინგლისურ, რუსულ და ფრანგულ ენაზე, ვითანამშრომლეთ კომპანია „ტენესთან“ და შევიძინეთ მწვანე ყუთები, რომლებიც დავდგით სკოლის დერეფნებში მაკულატურისთვის და პოლიეთილენისთვის,….. ამიერიდან ჩევნი სკოლის მოსწავლეების მიერ გამოყენებული პლასმასა ნაგავსაყრელის ნაცვლად მოხვდება გადასამუშავებელ პუნქტში და შეიძენს მოერე სიცოცხლეს. შეგროვებული მაკულატურა კი დავახარისხეთ, გადავამუშავეთ და მისგან დავამზადეთ ფურცლები , მისალოცი და მოსაწვევი ბარათები, ასევე გადავიტანეთ ამ ფურცლებზე ისტორიული წყაროები და გამოვიყენეთ საგაკვეთილო პროცესებში . განხორციელებული პროექტით შევეცადეთ გადაგვეჭრა შემდეგი საჭიროებები: გავაცანით სასკოლო საზოგადოებას რას ნიშნავს მდგრადი წარმოება და მოხმარება , მოსწავლეებმა გაიაზრეს რამდენად მნიშვნელოვანია სამოქალაქო მონაწილეობა- ჩართულობა, მოხალისობა და ინიციატივა. მოსწავლეებმა თვითონვე დააახარისხეს და გადაამუშავეს ნარჩენების ნაწილი და ხელთავიდან დაამზადეს მისგან საჭირო ნივთები . პროექტი განხორციელდა USAID-ის სამოქალაქო განათლების პროგრამის ფარგლებში. USAID-ის სამოქალაქო განათლების პროგრამას ახორციელებს ამერიკული ორგანიზაცია PH International, ამერიკის შეერთებული შტატების საერთაშორისო განვითარების სააგენტოს (USAID) დაფინანსებით და საქართველოს განათლებისა და მეცნიერების სამინისტროს მხარდაჭერით. სამეცნიერო-ინტელექტუალური კლუბი “თაობათა დიალოგი” (RICDOG) წარმოადგენს პროგრამის რეგიონალურ პარტნიორ ორგანიზაციას იმერეთში.
USAID Civic Education Program Imereti
„ბუნებრივი რესურსების მდგრადი წარმოება და მოხმარება“
