„ანბანის გაცილება ‘’

2023 წლის 20 მაისს, სსიპ ქალაქ ქუთაისის №17 საჯარო სკოლის პირველ მესამე კლასში ( დამრიგებელი მაკა კამლაძე, მუსიკის პედაგოგი რიმა კუნჭულია ) ჩატარდა გამოსაშვები ღონისძიება „ანბანის გაცილება ‘’. საზეიმოდ მორთულ სკოლის ბიბლიოთეკაში,  მოსწავლეებმა ქართული ანბანის თითოეულ ასოს ლექსები და სიმღერები  მიუძღვნეს . წარმოადგინეს დედაენის მოთხრობების პერსონაჟები : „ კეთილი სანდალა’’,

‘’მუქთამჭამელა’’, „ ნუცას სკოლა“,  „ცრუ’’,  „ თხა და გიგო’’. ერთ-ერთმა მოსწავლემ მოირგო დიდი იაკობის როლი , მან ინსცენირებაში ბავშვებს  ,, ნატვრისთვალი ‘’ – დედაენა აპოვნინა და გზა გაუკვალა წარმატებისაკენ.

ღონისძიების დასასრულს მოსწავლეებს გადაეცათ პირველი კლასის ფოტოალბომები, ჰელიუმის ბუშტებზე მიმაგრებული ასოები  კი გააცილეს მომავალ პირველკლასელებთან .

ღონისძიებას ესწრებოდა სკოლის დირექტორი,  ბატონი გიორგი ოსაძე, პედაგოგები და მოსწავლეთა მშობლები.