,,დედა,მამა,რვა ბავშვი და საბარგო მანქანა“

2023 წლის 5 მაისს, სსიპ ქ.ქუთაისის N17 საჯარო სკოლის III კლასის მოსწავლეები, კლასის ხელმძღვანელი ხათუნა ფაიქიძე, მუსიკის მასწავლებელი ხათუნა ბუაძე, სკოლის ბიბლიოთეკარი მზია გველესიანი, მოწვეული სტუმრები და მშობლები სტუმრად იმყოფებოდნენ ქუთაისის ილია ჭავჭავაძის სახელობის საჯარო ბიბლიოთეკაში. ბავშვებმა პროექტის ფარგლებში ,,წიგნი ჩვენი ზღაპრული სკივრია“ არჩევანი ანე-კატერინე ვესტელის ,,დედა,მამა,რვა ბავშვი და საბარგო მანქანა“-ზე შეაჩერეს. წიგნი კლასის მეგობრად გაიჩინეს. ამ საოცარი მეგობრის შესახებ გვიამბეს, თუ როგორ დამკვიდრდა იგი მათ ყოველდღიურობაში. ბავშვებმა, მშობელთა ჩართულობითა და მათი ხელშეწყობით წარმოადგინეს სხვადასხვა თავის პრეზენტაციები,გაითამაშეს როლები, მოამზადეს ილუსტრაციები,დიორამები,კროსვორდები, საკუთარი ხელით დამზადებული თოჯინები,ისაუბრეს წიგნით მიღებულ შთაბეჭდილებებზე,უპასუხეს შეკითხვებს. სიმღერის ფონზე შეაჯამეს აქტივობა. მადლობა გადაუხადეს საჯარო ბიბლიოთეკის ხელმძღვანელებს მასპინძლობისათვის. ბოლოს გაეცვნენ ბიბლიოთეკის საცავებსა და დარბაზებს.

,,დედა,მამა,რვა ბავშვი და საბარგო მანქანა“