News

კორპორაციული საღამო 2020

2020 წლის 25 იანვარი ერთ-ერთი დაუვიწყარი დღეა მე-17 საჯარო სკოლის ისტორიაში, 25 იანვრის საღამოს შეიძლება პერფორმანსიც ვუწოდოთ, რომელშიც სკოლის ყველა თანამშრომელი იღებდა მონაწილეობას და რომელიც სავსე იყო სიყვარულით, სითბოთი და სიურპრიზებით. საღამოს უძღვებოდნენ სკოლის პედაგოგები: გიორგი ოსაძე, გიორგი საკანდელიძე, იზაბელა ჭეიშვილი და თამარ ადეიშვილი. სასიამოვნო აქტივობებმა სრული ფურორი მოახდინა. დარბაზში დიდი მხიარულება და ემოციები გამოიწვია, როდესაც მოულოდნელად კალათებით შემოიყვანეს მომავალი თაობა პედაგოგთა შვილიშვილები. დაწყებითების კათედრამ კოლეგები სასიამოვნოდ გააკვირვა თავიანთი ვოკალური და ცეკვის ნომრებით. უცხო ენათა კათედრამ წარმოადგინა მსოფლიო ჰიტი “When You Tell Me That You Love Me”. ხელოვნების კათედრამ ცოცხლად შეასრულა ფოკლორული სიმღერა. სკოლის თანამშრომლებმა სიმღერით შეაფასეს 2019 წელი და სიმღერითვე დაგეგმეს 2020 წელი. განხორციელდა მასწავლებელთა დაჯილდოება სახალისო ნომინაციების მიხედვით. საღამოს ბოლოს თითოეული თანამშრომელი დატვირთული იყო სასიამოვნო ემოციებით, ბედნიერნი და კიდევ უფრო მოტივირებული დაუბრუნდნენ საგანმანათლებლო პროცესს. ძვირფასო მეგობრებო, მაშინ როცა თქვენ საღამოობით უყურებთ ტელევიზორს, კითხულობთ წიგნებს და თქვენს ძვირფას დროს უთმობთ თქვენს ოჯახს მაშინ მსოფლიოს ყველა მასწავლებელი და მათ შორის მე-17 საჯარო სკოლის მასწავლებლებიც ემზადებიან მეორე დღისთვის თქვენს შვილებთან შესახვედრად, გეგმავენ გაკვეთილებს, არჩევენ აქტივობებს, ითვალისწინებენ თითოეული მოსწავლის საჭიროებებს, რომ ყოველი დღე მათ დღესასწაულად უქციონ, ამიტომ დამეთანხმებით ალბათ რომ მათაც აქვთ უფლება გაერთონ, იმხიარულონ და თავიანთი უნიკალური შესაძლებლობები გამოავლინონ.

კორპორაციული საღამო 2020

83444985_2782382268516233_1526739918859010048_o
83946945_2782379431849850_6075967522140585984_o
83592568_2782376495183477_2608793101577224192_o
84535832_2782381921849601_8467654330462240768_o
84536228_2782380988516361_6639057628934701056_o
83807000_2782381741849619_2887392236905955328_o
83444985_2782382268516233_1526739918859010048_o 83946945_2782379431849850_6075967522140585984_o 83592568_2782376495183477_2608793101577224192_o 84535832_2782381921849601_8467654330462240768_o 84536228_2782380988516361_6639057628934701056_o 83807000_2782381741849619_2887392236905955328_o
11