2015 წლის 14 მარტს 16 საათზე ,,ჩაის სახლში” გამომცემლობა დიოგენეს მიერ გაიმართა ცნობილი ფრანგი მწერლის დანიელ პენაკის წიგნის ,,სკოლის სევდა” პრეზენტაცია.

წიგნი ფრანგულიდან თარგმნა მერაბ ფიფიამ. პრეზენტაციას ესწრებოდნენ სსიპ ქალაქ ქუთაისის N17 საჯარო სკოლის პედაგოგი ირინა კუდრიავცევა და მე-11 კლასის მოსწავლეები ნინო ჩაჩანიძე, სანდრო კაპანაძე და ნინო სულაბერიძე

ცნობილი ფრანგი მწერლის, დანიელ პენაკის ეს წიგნი ავტობიოგრაფიულია და მისი ცხოვრების იმ პერიოდებზე მოგვითხრობს, რომლებიც მან სკოლაში გაატარა, ჯერ როგორც წარუმატებელმა მოსწავლემ და შემდეგ – როგორც წარმატებულმა მასწავლებელმა.

”სკოლის სევდა” აუცილებლად უნდა წაიკითხონ მოზარდებმა, მშობლებმა და, რაც მთავარია, მასწავლებლებმა. წიგნში ცოცხლად და საინტერესოდ არის გადმოცემული მტკივნეული განცდები, რომელთა გადატანაც მოსწავლეს უხდება სკოლის კედლებში, პრობლემები, რომლებსაც მასწავლებელი და მშობელი აწყდებიან ბავშვის აღზრდისა და სწავლების ურთულეს პროცესში. და ეს ყველაფერი მოთხრობილია უშუალოდ, მსუბუქი იუმორით, რაც, ყველაფერთან ერთად, წიგნს საოცრად სასიამოვნო წასაკითხს ხდის.