“წიგნი ჩემი მეგობარია”

2014 წლის 25 აპრილს სსიპ ქალაქ ქუთაისის N17 საჯარო სკოლის ბიბლიოთეკაში ჩატარდა, II¹ (ბიბლიოთეკის გამგე მზია გველესიანი, კლასის დამრიგებელი ირმა ფხაკაძე) კლასის მოსწავლეთა პრეზენტაცია თემაზე: “წიგნი ჩემი მეგობარია“.  პატარებიდან სითბოთი და სიყვარულით იღვრებოდა გამონათქვამები და ლექსები წიგნების შესახებ. ნახატების სახით წარმოადგინეს ნამუშევრები, საყვარელი წიგნის პერსონაჟები. სკოლის ბიბლიოთეკას საჩუქრად გადაეცა კედლის გაზეთი “წიგნი ჩემი მეგობარია“.

აქტივობის შემდეგი ეტაპი გაგრძელდა N14 საქალაქო ბიბლიოთეკის ფილიალში. ბიბლიოთეკის გამგე, ქალბატონმა დალიმ გულთბილი შეხვედრის შემდეგ ბავშვებს ესაუბრა წიგნებზე, წიგნიერების მნიშვნელობაზე. პატარები ხალისით ჩაერთნენ ახალი წიგნების კითხვას. ბოლოს ნახეს ანიმაციური ფილმები: “კომბლე” და “წუნა და წრუწუნა“. აქტივობა ხელს შეუწყობს მოსწავლეებში წიგნის სიყვარულის, კითხვის, ლიტერატურის ხელოვნების მიღწევებისადმი გაღვივებას.