2011 წლის 16 აპრილს ბათუმში სასტუმრო “ალიკში” გაიმართა საერთაშორისო საგანმანათლებლო კვლევებში TIMSS 2011 და PIRLSS 2011 მონაწილე სკოლების მოსწავლეთა საერთაშორისო კვლევების ორგანიზატორთა შეხვედრა.

TIMSS – მათემატიკისა და საბუნებისმეტყველო საგნების სწავლასა და სწავლების საერთაშორისო კვლევაა, რომლის ფარგლებში ფასდება 9-10 და 13-14 წლის მოზარდების ცოდნა აღნიშნულ საგნებში. 2011 წელს TIMSS-ის კვლევაში 175 სკოლის მე-4 და მე-8 კლასის 10000-მდე მოსწავლე იღებს მონაწილეობას.

PIRLSS
– წიგნიერების საერთაშორისო კვლევაა, რომელიც მიზნად ისახავს შეაფასოს 9-10 წლის მოზარდების წაკითხულის გააზრების უნარი. კვლევაში მონაწილეობს 5000-მდე 4-ე კლასელი.

ორგანიზატორთა შეხვედრას უძღვებოდნენ საერთაშორისო საგანმანათლებლო კვლევის ხელმძღვანელი ია კუტალაძე და კონსულტანტები ნუცა კობახიძე, თეონა მიმინოშვილი და სოფიო ბახუტაშვილი.

კვლევითი ტესტირება ჩატარდება 2011 წლის მაისის თვეში.